OBANDO, Bulacan—Nasa halos 6,000 mga pamilya sa tatlong barangay sa bayang ito ang tumanggap ng ayuda ng pamahalaan matapos silang maaektuhan ng matinding pagbaha dulot ng bagyong Carina.
Sinuong nina Gob. Daniel Fernando at Bise Gob. Alex Castro nitong Huwebes ang laot ng Barangay Salambao kasama si Rowena Tiongson, hepe ng Provincial Social Welfare and Develoment Office (PSWDO) sa paghahatid ng ayuda boxes mula sa Department of Social Welfare and Development sa utos ni Pangulong Ferdinand Marcos Jr.
Nasa mahigit 800 pamilya mula Salambao ang unang nahatiran at mahigit 5,000 pamilya naman mula sa Barangay Paco at Lawa.
Sa ilalim ng pamumuno ni DSWD Secretary, sa atas ni Pangulong Marcos at sa mga relief goods na inihanda ng provincial government, isa lamang ang Bayan ng Obando sa tumanggap ng mga tulong-pagkain matapos humagupit ang bagyong Carina noong huling linggo ng Hulyo.
Mahigit kalahati sa 24 na bayan at siyudad sa Bulacan ang naapektuhan ng matinding pagbaha bunsod ng nasabing bagyo. Kasama rin sa pamimigay ng relief packs si Manuel Lulban Jr., hepe ng Provincial Disaster Risk Refuction Management Office (PDRRMO) chief ng Bulacan.
Nauna na ang ilang barangay sa bayang ito at sa marami pang bayan at siyudad sa lalawigan ang nahatiran na rin nila Fernando at Castro ng nasabing ayuda.
