Dumalo si Senate Majority Leader Joel Villanueva para saksihan ang ceremonial signing ng Implementing Rules and Regulations (IRR) ng Trabaho Para sa Bayan (TPB) Act ngayong Martes, ika-12 ng Marso 2024, na kanyang inisponsoran at inakda sa Senado. Ang TPB Act o Republic Act No. 11962 na naging batas noong Setyembre 2023 ay naglalayong tugunan ang problema ng unemployment at underemployment sa bansa sa pamamagitan ng paglikha ng isang masterplan para pag-isahin ang lahat ng pagsisikap ng pamahalaan tungo sa pinag-isang employment policy. Kasama ni Villanueva sina National Economic and Development Authority Secretary Arsenio Balisacan, Department of Labor and Employment Secretary Bienvenido Laguesma at iba pang mga opisyal mula sa iba’t ibang mga ahensya ng pamahalaan.
