LABUYO BY JOHNNY MERCADO
Sa lahat ng mahirap sabihin ay kung ang isang tao ay totoo o mali ang sinasàbi lalo na kung ang taong ito ay mayroong pinag-aralang masasabi sà kanyang sarili . Mayroon namang sa buka pa lamang ng bibig ay alam na alam mo na kung ang taong ito ay mapagkakatiwalaan at hindi dahil puro kasinungalingan lamang ang kanyang ipapakle . Kasinungalingan sa madaling sabe ang maririnig mo at wala kang maaasahang katotohanan .
Napakamahirap ang magsabi ng hindi totoo lalo sa harap ng korte kung saan ay napapaligiran ng maraming tao, at hindi lamang basta – bastang tao. Mahirap ang maglubid ng kasinungalingan o kaya’y sadyang inimbento lamang .
Ngayon ,ano ang sasabihin ng mga tao kung ikaw ang tumatayong tagapag-salita ng taong iyong nais iligtas sa kahihiyan. Ano na lang ang sasabihin ng bawat tao sa iyong maikakailang kasinungalingan, makuha mo pa kayang mapirmi sa iyong upuan . Hindi kaya parang sinisilihan ang iyong puwetan.
Ang mga taong ganyan ay bagay na bagay na tawagin ng TAGAPAG SINUNGALING . Sila yung nilalang na ang baluktot ay pilit na itinutuwid sa pamamagitan ng mga salitang hindi kanais-nais. Pilit siyang gagawa ng paraan mapagtakpan lamang ang kamalian ng taong kayang pinaglilingkuran. Pilit pa rin niyang iniiwas ang usapan sa katotohanan .
Ganyan silang mga TAGAPAGSINUNGALING . Hindi na baleng magkasabit-sabit basta’t ayos sila sa kanilang pinapanginoon lalo’t malaking tao ang kanyang pinagsisilbihan. Eka nga nila, magkahiyaan na kung magkakahiyaan. Naparaming ganyan sa ating pamahalaan na handang magpakapabayani huwag lang mapahiya sa taong bayan .
Pero sa totoo lang malaki ang papel na ginagampanan nilang TAGAPAGSINUNGALING sa mga taong sangkot sa katiwalian lalo na kung ikaw ay OPISYAL NG BAYAN. Sila ang taga-salo sa lahat ng kahihiyan nakalaan sa taong lubhang isinusuka ng mamamaya. Pikit-mata nilang tinatanggap ang kahihinatnan ng kanilang kasinungalingan .Ganyan silang mga TAGAPAGSINUNGALING ng bayan .Hindi sila natatakot sa idudulot ng kanilang kasinungalingan maisalba lamang ang kanilang AMO sa kahihiyan.
Ngayon ay may isyu sa pamahalaan na baka sakaling maibestigahan at upang lumabas ang katotohanan na hindi pa man ay mayroon ng nagnanais na siyang maging TAGAPAGSINUNGALING ng taong sangkot sa anumalya na pag-uusapan . Alam na marahil ninyo kung sino ang taong ito na masahol pa sa nasasakot kung magsalita .Ang tao’y walang hinihintay kung hindi ang ikatutuloy ng laban upang malaman ang malaman ang sinasabing bigat ng isang TAGAPAGSINUNGALING. SIGURO’Y MAGKAKAALAMAN NA RIN KUNG SINO ANG HIGIT DAPAT NA PANIWALAAN.
