LABUYO
JOHNNY MERCADO
Pwede po bang magtanong kahit na kanino? Nakaranas na po ba kayo na murahin ng ibang tao. Sakaling mangyari ito sa buhay ninyo, ano naman kaya ang inyong gagawin. Mapanatag kaya ang inyong kaloobaban.
Ganito ang nangyayari ngayon sa bayan natin. Nakakatikim ng MURANG walang puknat dahil ang gusto lamang ay tumino ang takbo ng ating bayan. Namumura ang kanilang nanahimik na mga magulang ng dahil sa pagmamahal nila sa Inang Bayan. Ganyan-ganyan kalimitan ang nangyayari sa ating lipunan na hindi mapigilan.
At hindi nagkasya sa mga salitang masasakit sapagkat nagagawa pa niyang pagbantaan ang tao na hindi makakibo dahil natatakot na sila ang pagbalingan. Anong klaseng isipan mayroon ang taong iyan. Hindi mo naman masasabi na BOBO sapagkat alam lahat na siya ay mayroong pinag-aralan. Kung sabagay ultimo ang patayan na kahit pagpatay ay tila ba balewala lang sa kanya kaya ano lang lang ang magmura.
Kamakailan ay dumale na naman ng pananalita na labis na ikinagulat ng maraming tao . Ayon sa kanya ay kanyang ipahuhuli ang sinumang hindi magpapakuna. Kesyo mismong sa “puwet” pa niya isasaksak ang bakuna.
Nakakatawa talaga ang taong ito. Hindi ko malaman kung anong klaseng pag-iisip mayroon ang taong ito. Hindi malaman kung may TOPAK sa ulo o baka naman sira nang talaga ang kanyang sintido.
Kung kayo ang tatanungin. ano ang nararapat sa ganyan tao. Maluwag naman ang MENTAL HOSPITAL eh bakit hindi dalin at baka “lumuwag lang ang turnilyo ” eh mahigpitan ng konti.
Kayo, sabihin ninyo kung ano ang nararapat. Magsipagsalita kayo sapagkat nakasalalay sa mga bibig ninyo ang kinabukasan ng Bayan at mga ANAK ninyo. AY BAYAN KONG KAWAWA LALONG KINAKAWAWA.
