MONDRAGON By Vhioly Rosatazo-Arizala

Kung anong ganda ng kalooban ni Gob. Daniel Fernando ay siya naman yatang ikinasama ng ugali ng bagitong kandidato na ito sa bagong distrito ng lalawigan.

Sumikat ka na sa kabastusan sa harapan ng mga pulitiko, ngayon naman sa media ka na naman nagpakita ng ka-angasan, kabastusan at kasagwaan ng ugali.

Astig na astig ang datingan mo ‘pre. Baguhan ka pa lamang ay tila sumobra na ang yabang at akala niya siya si Agilus na kayang lumipad ng mataas subalit bali naman ang pakpak.

Minsan ko ng nasaksihan ang kabastusang ginawa ng baguhan kandidatong ito sa isang pagtitipon na hindi naman sya imbitado at ng dumating na walang kagatol gatol na umupo at nakihalubilo.

Kung ikaw ay taong may delikadesa hindi ka pupunta doon o sadyang makapal talaga ang mukha mo para isang okasyon na hindi para sa iyo sukat ba naman pumunta ka. Maliwanag na pang babastos ang ginawa mo. Kapal muks ka talaga.

Masyado kang naging assuming na ikaw ang magiging kandidato ng isang malaking partido na sinasabi na malapit ka pa sa pangulo, o nasaan ka ngayon para kang basang sisiw na inaayawan mo pero doon ka sumilong.

Marami ng nagsasabi na ISNABERO ka daw talaga, aba! eh bakit anu pa’t tumatakbo ka sa posisyon na gusto mo pero magaspang naman ang ugali mo? Aru bakit ganon baka hindi ka tumagal sa pag papanggap mong isa kang mabuting tao.

Kamakailan lamang may nagtatanong sayo at hinawakan ka pa sa braso para tanungin paano ka naka pasok sa NUP. Lekat naman tila wala kang narining parang multo lang walang nakita at derederecho lang. Tsk tsk

Ganyan ba ang iboboto ninyong tao. Naku huwag naman baka kapag naluklok na yan piliin lang ang kakausapin eh ilang bayan ang nasasakupan ng gusto niyang posisyon. Kung sabagay wala ka naman panama sa iyong katunggali at beterano na sa larangan ng pulitika subalit hindi mo kagayang bastos. Iyon ay propesyunal na tao at napapakibagayan niya ang mga tao.

Kung pera lang naman ang pag-uusapan baka nga barya lang ang sa iyo laban sa kanya….

Dahan dahanin ko muna ang pitik sayo hanggang sa makilala ka nila at ng ibang tao na hindi ka dapat manalo at iboto ….

Kaya esep esep muna tayo huwag makontento sa mugs, airpot, at face mask na pinamimigay, ang hanapin nyo ay iyong marunong rumespeto, maliit ka man o malak, mayaman o mahirap kahit maglulupa ka pa ay igagalang at bibigyan ng atensyon.