Ni Anton Luis Reyes Catindig
LUNGSOD NG MALOLOS–Top 4 sa katatapos lang na 2021 Criminologist Licensure Examination ang 25 year old Magna Cum Laude graduate ng Bulacan State University (BulSU) at isang Meycauayan College graduate matapos parehong makakuha ng 89.45% na resulta sa nasabing board.
Si Jason Christian Terry Caballa ay nag graduate ng Magna Cum Laude noong September 2021 mula sa College of Criminal Justice Education (CCJE) ng BulSU habang si Kimbert Visto Vaje ay mula naman sa Meycauayan College.
Si Carl Angelo Quiambao Pascua naman, mula rin sa Meycauayan College ay nakuha ang Top 10. rank sa result na 88.30% .
Si Caballa ay isa ring residente ng Lungsod ng Meycauayan. Kumuha siya ng criminologist board exam noong Disyembre kasabay ang iba pang mga graduates ng BS Criminology sa bansa.
Si Caballa ay isa ring part time student at tumutulong sa kabuhayan ng kanyang pamilya sa munti niyang paraan habang nag-aaral at hanggang sa maka-graduate lalo na sa pag-aalaga sa nanay niyang may sakit hanggang sa ito ay gumaling.
Dahil sa dagdag na husay at talino ni Caballa sa information technology base sa sarili niyang interest dito at pag-aaral, ay nais niyang magsilbi sa bayan bilang isang cybercrime police officer upang gamitin ang kanyang nalalaman upang tumulong sa pag-puksa sa cybercrime offenses.
May nakahanda namang cash incentive ang BulSU para jay Caballa dahil sa pagbibigay nito ng karangalan sa unibersidad at isang maalab na pagbati rin ang ipinaabot ni BulSU President Cecilia Gascon sa lahat ng kanilang graduates na pumasa sa 2021 board exam upang maging licensed criminologist.
