Pinangunahan ni Gob. Daniel Fernando, DTI-Bulacan Provincial Director Edna Dizon, Provincial Agriculture Officer Gloria Carillo at iba pang opisyales ang pagbubukas ng bagong tayong Coffee Processing Center sa barangay Talbak, Donya Remedios Trinidad, Bulacan na pinondohan ng Department of Agriculture (DA). Habang nilagyan naman ito ng mga kasangkapan at kagamitan sa tulong ng Shared-Service Facility (SSF) ng Department of Trade and Industry (DTI). (Shane F. Velasco)

Ni Shane F. Velasco, PIA Bulacan

Sa loob ng pasilidad na pinondohan ng DA, inilagak ang mga kasangkapan na ipinagkaloob naman ng Department of Trade and Industry (DTI)-Bulacan sa ilalim ng Shared-Service Facility (SSF) na nagkakahalaga ng P230 libo.

Sinabi ni DTI-Bulacan Provincial Director Edna Dizon na kumpleto sa mga pangunahing kasangkapan at kagamitan ang ipinagkaloob ng ahensiya gaya ng Mechanical Solar Dryer na patuyuan ng mga beans ng Kape, Winnower Machine na naghihiwalay ng mga laki o liit ng mga beans, Mellanger Machine o gilingan, Moisture Meter o ang sumusukat kung tuyo o hindi pa ang mga beans at ang timbangan.

Kaugnay nito, tiniyak ni Gobernador Daniel R. Fernando na patuloy na magsasagawa ng iba’t ibang pagsasanay ang Provincial Agriculture Office (PAO) para sa mga magkakape sa Donya Remedios Trinidad upang tunay na maiangat ang antas ng kabuhayan at kalidad ng mga produktong Kape.

Dahil sa tumataas na bilang ng mga turistang umaakyat sa nasabing bulubunduking bayan, minarapat ng mga kasapi ng Talbak Fruits and Coffee Growers Inc. na magtayo ng isang Kapihan na ngayo’y patuloy na dinarayo. Iba pa ito sa mainam nang kalidad ng packaging na iniluluwas sa malalaking merkado sa Metro Manila. (SFV/PIA-3/BULACAN)

RELATED ARTICLESMORE FROM AUTHOR