Dating hoodlum sa Bulacan, ngayo’y lingkod na ng Diyos at Bayan

Published

Nagbago dahil kay Cristo Jesus, Pastor Ronnie Santos sa kanyang ‘Support Blessings’ na mas epektibo kumpara sa community pantry

BAYAN NG SAN MIGUEL— Halos 400 hanggang 500 na tao mula sa Barangay Sibul at mga karatig barangay nito ang pumipila araw-araw sa bahay ni Pastor Ronnie Santos upang mabigyan ng ‘Support Blessings’ na tig-dalawang supot ng mga delata, bigas, kape at iba pa na may kasamang mga gulay at pera.

Nasa ika-19 na araw na nitong Lunes, Mayo 10 ang maayos at sistematikong pamamahagi ng naturang mga biyaya na mas epektibo kumpara sa community pantry sapagkat hindi na kailangang mamili pa ng mga kailangang pagkain ang mga pumipila dahil naka ready na ang mga plastic ng ipapamahagi.

Tinutulungang ilagay ni Pastor Santos ang mga plastic sa lalagyan ng isang senior citizen. Larawan ni Anton Luis Catindig.

Ang community pantry ay madalas na naaabuso sapagkat ang ilang mga pumipila ay higit pa sa kailangan ang kinukuha. Dahil dito ay nagtatagal ang mga tao sa pila. Ang ‘Support Blessings’ naman ni Pastor Santos ay hindi na kailangan pang mamili ng mga kailangan ang mga pumipila dahil iaabot na ito sa kanila.

Sa ganitong paraan ay matitiyak ang maayos at mabilis na pagpila upang maiwasan ang kaguluhan at pagkakahawa ng virus na COVID-19. May dagdag ding ukay-ukay style and naturang programa na kung saan ay maaring kumuha ng tig-dalawang damit ang mga pumipila.

Ang mga senior citizens, may kapansanan at buntis na pumipila ay may karagdagang namang P50 to P100 pesos o higit pa na tinatanggap.

Habang nasa pila pa lamang ay inabot na ni Pastor Santos sa dalawang senior citizen ang plastic na may lamang bigas delata at iba pa at isang plastic ng gulay at pera. Larawan ni Anton Luis Catindig.

Ayon kay Santos, mga alas-kwatro mahigit ng hapon niya binubuksan ang kanyang ‘Support Blessings’ upang makaiwas sa init ng araw ang mga pumipila at maiwasan ang aksidente tulad ng senior citizen na namatay sa pagpila dahil daw sa init sa isinagawang community pantry ng artistang si Angel Locsin.

Si Pastor Ronnie Santos ng Hesus, Grasiosong Diyos na Nagpapalaya at Nagpapagaling ay nag umpisa lamang sa Php 5,000 halaga ng kanyang ‘Support Blessings’ upang ibahagi sa kanyang mga ka-barangay subalit habang lumalaon ay marami ang kusang nagbibigay ng tulong at donasyon sa kanya, kaya nagpatuloy ito at maaring pang tumagal ng higit sa isang buwan.

Bukod sa 2 plastic na matatanggap ng mga pumila ay maari silang kumuha ng 2 damit sa mga nakasampay at nasa sahig ng bahay. Bukod sa tamang pila ay inuuna nang bigyan ni Pastor Santos ang ibang senior citizen at may kapansanan na nakapila sa labas. Larawan ni Carmela Reyes Estrope.

Si Santos ay dating isang close-in security ng ilang pulitiko at nadawit sa mga enkuwentro na may patayan. Kinakatakutan at kilabot sa kanilang lugar, nakulong din siya at ayon sa kanya ay doon siya nagsimulang mamulat at magbago ng landas.

“Hindi ako naghahanap, hindi ako namamalimos, hindi ako nanghihingi ng tulong kung kani-kanino, kusang dumarating ang mga ito. Dati akong masamang tao at dahil kay Cristo Jesus ako ay nagbago, pero sa akin binigay ng Diyos ito eh. It’s an opportunity in my part na magawa namin ang Support Blessings na ito na higit higit pa sa ordinaryong community pantry, at ito’y di kayang gawin ng tao kung hindi kagustuhan ng Diyos” ani Santos.

Share post:

Subscribe

spot_imgspot_imgspot_imgspot_img

Popular

More like this
Related

IMPULSES: Fishery fragility unfolds

By Herman M. Lagon     Poor fishing threatens Iloilo's economy and...

SOLUTIONS JOURNALISM PROGRAM ON SMALL-SCALE GOLD MINING LAUNCHED

Gibby Gorres MANILA, PHILIPPINES - Applications for a solutions journalism...

PGB reasserts ownership of 12-hectare property in Malolos

CITY OF MALOLOS – The Provincial Government of Bulacan (PGB)...

IMPULSES: Unmasking flaws in testing

By Herman M. Lagon THE NATIONAL Achievement Test (NAT) and...