Ni Mac Eleogo
Kahit Araw ng linggo ay tuloy tuloy sa serbisyo sina Gob.Daniel R. Fernando at Bokal Alex Castro.
Pitong barangay sa Bayan ng Calumpit ang binigyan ng relief Goods nila Gob Daniel Fernando kasama si Bokal Alex Castro at ilang mga opisyal ng Bulacan provincial goverment tulad ni Ms.Weng Joson ng PSWDO.
Isa ang Barangay San Jose sa mga nabigyan ng ayuda na pangatlo sa may pinaka malaking papulasyon sa Bayan ng Calumpit.
May 1.407 pamilya ang nabigyan sa nasabing barangay kaya’t ubos ang pasasalamat ng mga residente sa pangunguna ni Kapitan Rodolfo Villanueva at mga kagawad nito gayundin ang Barangay Health Workers (BHW) at mga Mother Leaders sa pagbisita sa kanila ng Ama ng Lalawigan kahit pa araw ng linggo.
BARANGAY HEALTH WORKERS TINAASAN ANG ALLOWANCE
Noong Biyernes ay muli na namang sumigla ang dugo ng mga Barangay Health Workers ng marinig nilang muli ang magandang regalong naghihintay sa kanila, ang karagdagang P1,000 pa sa kasalukuyan nilang tinatanggap na P2,500 na allowance.
Taos-puso ang paasalamat ni Gob. Daniel sa kanilang mga gampanin bilang mga frontliner ng bawat barangay. Labis din ang pagpapagal upang masugpo ang pandemyang Covid 19. Sila ang mga nagbabahay-bahay upang matugunan ang mga may karamdaman o ang may mga sakit kaya naman sa piligro ng kanilang sinumpaang tungkulin sa panahong ito ng napakaraming nag kakasakit ng Covid ay hindi matatawaran ang kanilang sakripisyo kaya’t marapat lamang na makatanggap sila ng mas malaking allowance.
Ganoon din ang saya ng mga BHW na nauna ng nakarinig ng anunsiyo ni Gob. Daniel na gagawing P3,500 ang kanilang kasalukuyang allowance.
