Patuloy na naka half-mast ang ating bandila sa harapan ng Capitolyo tanda ng national mourning dahil sa pagpanaw ng dating Pangulo Benigno Simeon Aquino III. Larawan ni Anton Luis Reyes Catindig

LABUYO ni JOHNNY B. MERCADO

Tatlong araw na lamang at matatapos na ang declared 10-day national mourning nating mga Pilipino dahil sa pagpanaw ni dating Pangulong BENIGNO SIMEON AQUINO III.

Nagulat ang buong bansa at marahil ay ang buong daigdig ng ibalita sa mga estasyon ng television maging sa radyo at lahat ng diyaryo na punanaw na ang dating PANGULONG BENIGNO AQUINO III. Aaminin ko na kahit ang sarili ko ay hindi makapaniwala sa pagpanaw ng isang magaling na namuno sa ating bansa.

Hindi ko makakalimutan ang kanyang mga sinabi noong siya pa ang PANGULO ng bansa na KAYO ANG BOSS KO KAYA DAPAT LANG NA KAYO AY DAPAT KONG SUNDIN.

E WALA DAW KURAP KUNG IKAW AY HINDI PAKUKURAP. WALANG TONG AT WALA RIN WANG-WANG. ILAN LAMANG IYAN SA MGA HINDI NATIN MAKAKALIMUTAN NA GINAWA NI PINOY SA KANYANG PANUNUNGKULAN NOON SIYA AY NABUBUHAY PA.

Kung atin lamang matatandaan sa administrasyon niya nangyari ang pagkakapanalo sa usapin ng WEST PHILIPPINES SEA na ngayon ay naging masalimuot magmula ng maupo ang bagong administrasyon. Matatandaan na sa administrasyon ni Pangulong Noynoy ibinubunton lahat ng sisi na nangyayari ngayon sa ating karagatan.

Sa pagpanaw ni Pangulong Noynoy ay para mo nang nakikinikinita na para ba nagpi-piyesta ang kabilang kampo. Nagdiriwang lahat ng galit sa dilawan pagkat nawala ang isa sa itinuturing nilang TINIK sa kanilang lalamunan. Galit na galit sila sa taong ( Noynoy ) hindi mo makitaan ng kahit konting kayabangan sa katawan.

Bakit nga ba ganoon ang buhay. Kung sino pa ang masasabi mong talagang matino ay kung bakit siya pang unang nauunang kinukuha ng nasa itaas. Bakit nga ba ganoon. Kay dami diyang naghihintay na KALAWITIN NI KAMATAYAN. Marami rin na hindi ang ugali ang masama kung hindi ang buong pagkatao ay talagang iyong isusumpa.

Siguro naman, ngayon ay matitigil na ang mga bunganga ng iba sa kasasabi ng kung ano-anu lalo na sa mga puro dilawan. Mababawas-bawasan na siguro ang sobrang panlalait ng iba riyan na kesyo si Noynoy ( Panot ) ay nagawa sa usapin WPS maging sa droga.

Maging ang mga taga MEDIA ay walang masasabi kay Ex. President Noynoy kung kaya naman laging puno ang MalacaƱang. Hindi mo sila maririnig na sila ay binanatan lalo na ang sila ay binulyawan.

Totoo nga sa ngayon ay mahihirapan pang matanggap ang pagpanaw ni Noynoy sa kanilang kalooban. Bayani kung tutuusin ng sinoman nakakaalam ng kanyang nakaraan na siya lamang katotohanan.

Ngayon ay PURO paghihinagpis na lamang ang siyang maririnig sa taong-bayan sapagkat nawalan sila ng isang naging pinuno na naging tapat sa ting bayan. Nanghihinayang sila sapagkat batid nila sa kanilang sarili na wala tao na sinlamig magpasya sa mga usapin tulad ng PWS.

Tunay na isa kang bayani sa aming puso at isipan. Hindi ka mawawala sa aming mga alaala magpakaylan pa man. Ang mga salita moy hinding hindi maglalaho sa aming diwa at isipan. Patuloy naming itataguyod sa mga kabataaan ang aral mong mahirap makalimutan.

NOYNOY TUNAY KANG BAYANING NATURINGAN SA AMING PUSO AT ISIPAN.