LUNGSOD NG BALIWAG—Nakatikim ng masustansiyang “nutri bun” na tinapay ang mga chikiting na mag-aaral kasama ang kanilang mga magulang at kabilang din ang mga residente sa Bayan ng Baliwag ng bumiyahe sa lugar si Sen. Imee Marcos nitong Miyerkules kasabay ng pamamahagi ng ayuda para sa mga displaced vendors sa ilalim ng programang Assistance for Individuals In Crisis Situation (AICS) ng Department of Social Welfare and Development.
Sinamahan ni Mayor Ferdie Estrella, punong lungsod ng Baliwag at kanyang ina, Gng. Sonia Estrella ang senadora sa pamamahagi ng mga tinapay na may kasama pang laruan para sa mga musmos na mag-aaral sa Day Care sa nasabing siyudad.
Masayang ibinagagi ng senadora na siya ay isang Baliwagenya dahil ang kanyang lola, ang nanay ni dating Unang Ginang Imelda Romualdez Marcos na si Dona Remedios Trinidad ay taga Baliwag, Bulacan.
Muli anyang itinataguyod sa ngayon ng pamahalaang nasyunal ang tinapay na “nutri bun” na unang natikman ng mga Pilipino noong panahon ng kanyang ama, dating Pangulong Ferdinand E. Marcos bilang suporta sa nutrtional program ng gobyerno.
Larawan ni Anton Luis Reyes Catindig
