CAMP GEN. ALEJO SANTOS, Bulacan–Patay sa tama ng bala sa ulo and hepe ng pulisya ng San Miguel, Bulacan matapos maka-enkuwentro ang dalawang armadong robbery hold-up suspects sa ilang at madilim na lugar sa katabing bayan ng San Ildefonso Sabado ng gabi.
Ipinag-utos na ni PNP Reg. 3 Director Jose Hidalgo kay Bulacan Police Director Relly Arnedo ang pagtugis sa hinihinalang 2 robbery hold-up suspects na nakipagbarilan kay PLt. Col. Marlon Serna mahigit 10:00 p.m. noong Biyernes sa Barangay Bohol na Mangga, San Ildefonso..
Sakay ng kanyang sasakyan at kasama ang isang 17 years old na minor na lalaki, rumesponde at tinutugis ni Serna ang dalawang naka motorsiklong suspects na nambiktima ng mag-asawang negisyanteng sina Ernesto at Irene Dela Cruz sa tindahan nito bandang 9:30 p.m. sa Barangay San Juan ng magkaenkuwentro sila ng hepe ng pulis.
Agad din namang rumisponde ang San Ildefonso poloce sa pangunguna ng hepe, Col. Russel Denis Reburiano at dinala sa hospotal si Serna. Namatay ito habang pilit na isinasalba ng mga doctor.
Itinaas na ni Gov. Daniel Fernando, DILG, Chief PNP Edgardo Azurin, RD Hidalgo ang pabuya sa halagang P1.2 milyon sa makakatulong maituro ang mga suspects.
Sugatan ang isa sa mga ito matapos mataga ng isa sa biktimang mag-asawang Dela Cruz. Sugatan din sa tama ng bala ang isa sa mag-asawa ng makipagbuno laban sa armadong robbery hold-up suspects.
