Mag-uumpisa na sa trabaho ang unang 12 heavy equipment operators na pina-graduate ng San Miguel Corp. sa TESDA bilang excavators sa patuloy na isinasagawang P1-Billion halagang Tullahan River Clean Up. Ipinagmamalaki nilang tinutupad ng SMC ang salita nitong may hanapbuhay na nakalaan sa kanila matapos ang kanilang lubos na kooperasyon sa proyektong airport.Gayundin, maigting ang kanilang hangad na patuloy nilang makapartner ang SMC sa pagsusulong ng kanilang maganda at maayos na kabuhayan lalo na ngayong sa kalupaan na sila naninirahan at hindi na sa kailugan na halos ay bigas at tubig lang noon ang kanilang gastos. Libre sila noon sa ulam mula sa dagat at ilog at libre rin sa kuryente. Sina Shirley Maruska mula sa Isla ng Kinse, Taliptip, sa Bayan ng Bulakan na pagtatayuan ng airport (nasa dalawang larawan sa ibaba) ay binigyan ng kabuhayan ng SMC bilang community resellers ng Magnolia at Purefoods products nito.
