Kapitolyo, bukas sa pakikipag-usap para sa pagtatayo ng Bilibid sa DRT

Published

LUNGSOD NG MALOLOS—Bukas ang pamahalaang panlalawigan ng Bulacan sa pakikipag-usap upang mapayagang itayo sa lupang pag-aari nito sa Bayan ng Dona Remedios Trinidad (DRT) ang isang pasilidad ng New Bilibid Prison (NBP), ito ang pahayag ni Gob. Daniel Fernando.

Sa isang pahayag sa media kamakailanlang, sinabi ng gobernador na may lupa ang Kapitolyo sa DRT na nasa 1,000 hectares at maaaring magamit para sa NBP facility ang 400 hectares.

Subalit ayon sa gobernador, sa pagiging bukas ng Kapitolyo na magamit ng national government ang pag-aaring lupa nito, nais niyang maitayo na rin ang bagong Bulacan Provincial Jail sa nasabing 400 hectares.

Sa ngayon ay wala pa umanong nabubuong pag-uusap sa pagitan ng national government o ng Bureau of Correction (BuCor) tungkol sa proyekto pero nais umano niya na masagot na ng national government ang pagtatayo ng provincial jail doon din sa DRT.

“Depende sa pag-uusap, open tayo sa pakikipag-usap, may mga kondisyones diyan,” pahayag nito sa media.

Ayon sa punong lalawigan, mas mainam na magkatabi na lang o sa iisang compound na lang ang dalawang pasilidad, ang NBP at ang provincial jail bagama’t magkalayo pa rin ito ng gusali at magkaiba ang namamahala at mga panuntunan.  Ang NBP ay sakop ng BuCor at ng Department of Justice samantalang sakop naman ng pamahalaang panlalawigan ng Bulacan ang provincial jail.

Dahil sa maluwang na lupa sa DRT, maaaring makapagtanim at mag-alaga ng mga hayop ang mga bilanggo, maging iyon man ay sa BuCor o sa provincial jail. Sa ngayon sa provincial jail, aniya, limitado lamang sa handicrafts ang kayang magawa ng mga detinado dahil sa liit ng lugar.

Nauna rito sa isang forum na isinagawa ng Department of Justice at ng BuCor noong Disyembre ay tinukoy ang DRT bilang isa sa mga target paglipatan ng pasilidad ng NBP.

Ang BuCor ay pinamumunuan ni Director General Gregorio Catapang Jr., isang retired Armed Forces of the Philippines (AFP) Chief of Staff.

Share post:

Subscribe

spot_imgspot_imgspot_imgspot_img

Popular

More like this
Related

Tacloban’s sweet and special binagol

TACLOBAN CITY—Sixty five year old Viginia Aguilar Orollo on...

Center for Agriculture and and Development (CARD) MRI Center Meeting in Tacloban City

TACLOBAN CITY—CARD MRI officers, members and clients conduct their...

Thai consumers seek new flavors of salty snacks

Companies need to get ready to elevate the snacking...