Lalong nagniningning at sumigla ang Lungsod ng Malolos ayon kay Mayor Christian Natividad ng nag-perform ang Philippine Philharmonic Orchestra sa harapan ng Barasoain Church nitong gabi ng Disyenbre 18.
Sa temang “Isang Gabi ng Musika,” inihandog ni Senador Joel Villanueva sa mga Bulakenyo ang world class orchestra music kabilang ang classic at traditional na English and Filipino Christmas songs.
Lubos na naaliw at nakaramdam ng kakaibang saya ang mga puso at damdamin ng mga Bulakenyo partikular ang mga taga Lungsod ng Malolos dahil sa alay na musika ng senador.
Ikinagalak ng lubos ng alkalde ang nasabing handog musika at nagbigay pugay ito at pasasalamat kay Senador Villanueva gayundin sa lahat ng opsiyales ng Bulacan sa pangunguna ni Gob. Daniel Fernando at Bise Gob Alexis Castro at kapwa alkalde na dumalo sa nasabing isang gabi ng musika.
Kinilala rin niya ang isa pang panauhin, Senador JV Ejercito na tubong Malolos din mula sa angkan ng kanyang ama, ang dating Pangulong Joseph “Erap” Ejercito Estrada.
