ANGAT, Bulacan–Inuwi na ni Angat Mayor Leonardo De Leon sa bayang Ito noong Biyernes ang isang ambulance unit na bunga ng kanyang pagsisikap na maipagkaloob ng Philippine Charity Sweepstakes Office.
Tanging ang Bayan lamang ng Angat sa buong Bulacan ang tumanggap ng ambulansiya mula sa nasabing ahensiya ngayong pagpasok ng taong 2022.
Kasama si Gabriel Ignacio, executive secretary ng alkalde ay idiniretso sa munisipyo ang nasabing ambulansiya upang ipakita sa mga kapwa empleyado ng munisipyo ang nasabing biyayang patient transport vehicle na galing sa isang car dealer sa Metro Manila.
Ang ambulansiyang Ito ay dagdag na magagamit ng mga residente kabilang din ang mga Barangay ambulances at patrol units para sa kanilang health emergency needs.
Ayon kay Mayor Narding na tinaguriang “Alamat na Mayor” ng Bulacan, pauna lamang ito at may mga kasunod pang iuuwing biyaya ang Angat mula sa iba’t ibang ahensiya ng pamahalaan, lokal man o nasyunal.
Mula sa provincial government sa pangunguna ni Gob. Daniel Fernando ay kasalukuyan ng itinutuloy ang matagal na natengggang district hospital sa Bayan ng Angat na isinulong na proyekto ni Mayor De Leon ilang taon na ang nakakalipas.
