CAMP GEN. ALEJO SANTOS, Bulacan—Nakaligtas sa ambush ang isang kapitan sa bayang ito matapos na barilin siya ng di pa nakikilalang mga suspects Biyernes ng gabi.
Kinilala ni Bulacan police director Col. Relly Arnedo ang biktima na si Julian Rosillas, 59, Barangay Chairman ng Mag-asawang Sapa.
Ayon sa imbestigasyon ng pulisya, nasa harapan ng barangay hall si Rosillas bandang 8:30 ng gabi ng lumapit sa kanya ang 2 di kilalang mga salarin sakay ng isang motorsiklo at siya ay binaril ng dalawang beses sa may tagiliran ng kanyang tiyan.
Agad na tumakas ang mga suspects at kasalukuyan pa ring tinutugis ng mga pulis.
Isinugod ang biktima sa Rogaciano Mercado Memorial Hospital sa bayang ito subalit inilipat din sa iBulacan Medical Center sa Lungsod ng Malolos para sa patuloy na paglapat ng karampatang medical treatment.
Sa ngayon ay nasa stable na, na condition ang kapitan. Ayon kay Arnedo.
