Ni Christian Paul Tayag
Caloocan City, Metro Manila— Sa panahon ng Kapaskuhan ngayong darating na Nobyembre 26 ay bubuksan ng SM City Grand Central sa siyudad na ito ang pinto nito sa mga mamimili at sa publiko para sa isang bagong exciting mall experience and recreation at the heart of the city.
Ito ang SM Prime Holdings Inc. 78th supermall at pangalawang SM mall sa lungsod matapos magbukas ang SM Center Sangandaan noong 2015.
Isang first class at highly urbanized na lungsod, ang Caloocan ay gumagampan sa isang mahalagang bahagi sa kasaysayan ng Pilipinas dahil ito ang sentro ng mga aktibidad at milestone para sa mga Katipunero. Mayroon itong isa sa pinakatanyag na palatandaan na siyang monumento ng rebolusyonaryong Andres Bonifacio, na idinisenyo ng pambansang pintor na si Guillermo Tolentino.
Ang Caloocan City ay hinirang bilang isa sa mga finalist ng Philippine Chamber of Commerce and Industry (PCCI) sa listahan nito ng “most business-friendly cities in the country” noong 2019 sa loob ng apat na magkakasunod na taon. Sa ngayon, patuloy na tinatamasa ng lungsod ang mabilis na paglago ng ekonomiya mula sa mga bagong alon ng mga mamumuhunan na dumarating kabilang ang mga shopping mall.
Matatagpuan sa kahabaan ng Rizal Ave Ext, East Grace Park, ang SM City Grand Central ay magsisilbi sa mga mamimili sa progresibong lungsod ng Caloocan, Malabon, Navotas, Valenzuela, gayundin sa mga mamimili mula sa bahagi ng Maynila, Quezon City at Bulacan.
Ang anim na palapag na mall na may 56,000-square-meter gross leasable area ay maglalaman ng mga lokal at internasyonal na tatak. Ang SM Store at SM Supermarket ang mga pangunahing anchor nito kasama ang SM Appliance Center, Our Home, Watsons, Surplus, Sports Central, Crocs, The Body Shop, Uniqlo, at Miniso. Magkakaroon din ito ng mga fashion boutique, Cyberzone at wellness centers.
Bukod dito, ang pinakamataas na palapag ay nagtatampok ng una sa uri nito na panloob na hardin, ang The Skylight Park kung saan masisiyahan ang mga mamimili sa al fresco na kainan sa istilo na may mga bukas na berdeng espasyo. Mayroon din itong kapilya at mga multi-purpose spaces. Ang SM City Grand Central ay magkakaroon din ng anim na digital cinemas – dalawang makabagong regular na sinehan, dalawang Director’s club na mag-aalok ng premium na karanasan sa pelikula na may crystal-clear laser projection system, at sa unang pagkakataon, dalawang pribadong sinehan.
Panghuli, para sa kaginhawahan ng customer at magandang malling experience, mayroon din silang covered parking space para sa iba’t ibang uri ng sasakyan na may higit sa 800 parking slots. Magbibigay ang SM City Grand Central ng hindi malilimutang karanasan para sa lahat ng mga bisita, sila man ay mamili, kumain, maglaro, sumamba, o mamahinga lang. Higit pa riyan, ito rin ay magiging isang katalista para sa mga oportunidad sa trabaho at negosyo sa lugar.
