ANGAT, Bulacan–Hindi na naiwasang magpahayag ng pagkadismaya at pagkalungkot ang itinuturing na “The Living Legend Angat Bulacan Mayor Leonardo “Narding” De Leon” matapos na siya ay patuloy umanong tawagin at ikumpara ng kanyang kalaban sa pulitika sa nakakamatay na COVID-19 virus habang patukoy din umano ang pagpapakalat ng fake news laban sa kanya tungkol sa P50-Million at P7-Million halaga ng financial assistance para sa kanilang mga residente.

Muling nagpahayag ng paglilinaw at sagot ang alkalde tungkol sa nabanggit na mga issue sa pamamagitan ng isang video post sa kanyang social media account noong Huwebes kasabay ang hinaing dahil sa siya umano ay tinukoy ng kanyang kalaban sa pulitika na COVID-19 virus dahil ang kulay ng kanyang uniporme sa partido ay pula na kakulay ng virus.

“Huwag kayong patangay sa mga walang magawa kundi sirain ang aking buhay. Tanungin ninyo silang mga umuupak sa akin kung ano ang naihandog o nagawa nila para bayan. Pati mga bogus accounts naglagay na kayo, pati ba naman COVID-19 virus ay ako. Ako daw ang virus, kami daw, dahil pula ang aming uniporme (kulay ng partido),” madamdaming pahayag ng alkalde.

Masugid na sumunod sa SAP distribution guideline

Muling ipinaalala at nilinaw ng alkalde sa kanyang mga kababayan na hindi siya pumayag sa ibang nanunungkulan sa kanilang bayan na hatiin sa mas maliit na bahagi ang ipinamigay ng Department of Interior and Local Government (DILG) na P1,000-P4,000 na financial assistance mula sa Special Amelioration Program (SAP) nitong nagdaang Abril matapos isailalim muli sa lockdown ang Bulacan kasama ang Metro Manila, Laguna, Cavite at Rizal dahil sa muling pagpalo ng bilang ng mga COVID-19 cases.

Aniya, maganda ang layunin ng ibang nanunungkulan aa kanilang bayan na hatiin iyon upang mas marami ang makinabang subalit mahigpit umano ang utos at tagubilin ng national government na bawal hatiin iyon at hindi niya sinuway ang bilin at utos na iyon.

Ganunpaman, paliwanag ng alkalde na may dalawang barangay na hindi naging maayos ang mga listahan ng residenteng tatanggap at ito ay pinaayos pa muna umano ng tanggapan ng Department of Social Welfare and Development at ng Angat Municipal Social Welfare Office sa mga kapitan bago maibigay.

Dahil umano sa nagkulang ang nasabing pondo dahil base pa sa 2015 census ang inilaan ng national government na pondo, ay hiniling niya sa sangguniang bayan na maglaan ng P7-Milyon partikular para sa mga hindi nabigyan at ngayong ang pondong ito ay lumabas na umano ay sinisiraan na naman siya na siya ay nagnakaw ng pondong ito at siya ang nakinabang.

Muling paglilinaw ng punong-bayan na sa dalawang mga pondo–P50 Milyon at P7-Milyon ay wala siyang nahawakan dito ni singko dahil direkta ang pondo mula sa gobyerno papunta sa mga kapitan na siya ring gumawa at nagsumite ng listahan ng mga benepisyaryo.

Masama ang loob ni Mayor De Leon sapagkat tatlong bahagi ng kanyang buhay ang inialay niya sa Bayan ng Angat at alam iyon ng kanyang mga kababayan, katunayan ay halos sa munisipyo na siya tumira para mamuno at maglingkod subalit tinatapunan siya ng ganitong mga paninira ng kanyang kalaban sa pulitika.

“Halos dito na tayo tumira sa pamahalaang bayan, noon fourth class municipality ang Bayan ng Angat at ito ay naitaas natin sa first class. Nagpagawa tayo ng mga eskuwelahan, mga kalsada, at iba’t iba pang proyekto. Sa kabila nito ang sinasabi ng ating katunggali, wala daw tayong ginagawa. Nakikita ninyo ako araw araw tumutulong sa mahihirap. Pagbibintangan ako sa P50-Milyon ng aking katunggali subalit may guidelines ang DILG na hindi maaring hati-hatiin. Ngayon may bagong issue. Ito daw P7-Million na hiniling natin na aprubahan para makatanggap ang mga hindi nakatanggap ay ninakaw ko daw, pareho pong ang mga pera na iyan ay hindi pinadaan sa atin kundi sa DSWD at mga kapitan. Sa listahan po ng mga kapitan nagkaroon ng problema,” pahayag niya.

Living Legend and idol

Si Mayor De Leon ay kinikilala bilang isang Living Legend Mayor hindi lamang sa Bulacan kundi maging sa buong bansa dahil sa edad niyang 83 ay 57 years siya sa paglilingkod sa gobyerno partikular sa Bayan ng Angat.

Gayundin, hindi amang siya isang alamat ayon kay Guiguinto Mayor Ambrosio Cruz Jr. at pangulo ng Bulacan Mayor’s League kundi si Mayor Narding daw ay kanyang idol, pahayag nito sa NEWS CORE.

Ultimong ai Gob. Daniel Fernando ay hinahangaan, kinikilala at ipinagmamalaki si Mayor De Leon bilang Alamat na Mayor ng Bulacan.

“Tayo ay kilala at tinatawag hindi lang sa ating lalawigan kundi maging sa buong Pilipinas bilang isang Legend dahil sa tagal natin sa paglilingkod bilang alkalde na tayo na lang yata sa ngayon ang may record ng pinakamatagal na naglilingkod at dahil din sa mga parangal na natatanggap ng ating bayan sa iba’t ibang larangan,” dagdag ni Mayor De Leon.

Sa ano mang laban sa ano mang posisyon sa Bayan ng Angat ano mang panahon at taon ay hindi nakatikim ng talo ang alkalde.

Graduate ng four year course degree sa Manuel L. Quezon University (MLQU) at kalaunan ay nagtapos din ng law sa University of the East, nagsimulang maglingkod sa pamahalaan si Mayor De Leon bilang empleyado ng Capitolyo noong 1964. Kalagitnaan ng 1965, na-appoint siyang technical assistant employee sa pamahalaang bayan ng Angat.

Naging halal na konsehal siya ng bayan taong 1971-1980 at vice mayor mula 1981-1987 hanggang naging OIC mayor noong 1986 Edsa Revolution noong matapos i-appoint ni noo’y Pangulong Corazon Aquino.

Hanggang ngayon ay wala siyang talo bilang mayor at pagiging vice mayor.

SIYUDAD NG MALOLOS–Pito na sa ngayon ang kumpirmadong COVID-19 Delta variant cases sa Bulacan at lahat ito ay mga umuwing Filipino Workers (OFW)’s at mga nagtatrabaho sa Metro Manila.

Apat na kaso mula sa City of San Jose del Monte, City of Malolos, Pandi at Guiguinto ang pinakabagong nadagdag sa unang tatlong kaso mula sa Bayan ng San Ildedonso, Sta. Maria at Plaridel.

Ayon kay Dr. Betzaida Banaag, health officer ng City of San Jose del Monte, ang Delta case nila ay isang empleyado sa National Capital Region na kasalukuyan ng naka isolate sa kanilang lugar.

Ang kaso sa Pandi ay isa ring worker sa Metro Manila ayon kay Pandi Mayor Enrico Roque habang ang sa Guiguinto ay isang kauuwi lang na OFW ayon kay Guiguinto Mayor Ambrosio Cruz Jr. at ang kaso naman sa Siyudad ng Malolos ay isa ring OFW ayon kay Dr. Hjordis Marushka Celis, vice chair ng Bulacan COVID-19 Task Force.

Ang kaso sa Sta. Maria ay returning OFW rin habang ang kaso sa Plaridel ay isang worker sa Metro Manila.

Ayon naman kay Dr. Celis, hinihinala na sa national region lang din nakuha ng San Ildefonso case ang Delta variant sapagkat wala itong ibang exposure malban doon sa ospital sa national region. Nagpunta doon ang biktima para magpa-medical check up.

Sa ngayon ay nasa 47,393 ang mga kaso sa lalawigan simula Marso 2020 habang 970 ang mga namatay at 43,607 ang recoveries.

Sa huling tala na ibinigay ni Dr. Celis kay Gob. Daniel Fernando, may 2,296 na active cases sa lalawigan sa ngayon, 230 dito ang nasa Bulacan Infection and Control Center (BICC) at Bulacan Medical Center at 1,921 ang nasa home and facility quarantine.

Nananatiling nasa General Community Quarantine with heightened restriction ang Bulacan until August 15 ayon kay Gob. Fernando at kung hindi na tataas pa ang mga kaso ay nakakalamang na hindi na niya ito irerekomemda sa IATF na itaas sa hihgher restriction na Enhanced Community Quarantine (ECQ) or Modiefied Enhanced Community Quarantine (MECQ).

“Ang lahat ay nababahala. Bagama’t nais natin ang paghihigpit para sa kaligtasan, ang karamihan sa atin ay naniniwala na hindi natin kakayanin ang bumalik pa sa pinakamahigpit na quarantine. Sisikapin natin na mapababa ang kaso sa pamamagitan ng ating mga naunang direktiba,” pahayag ng gobernador.

“Sa kabila ng ating pananatili sa GCQ with heightened restrictions, may kakaibang paghihigpit ang ating isasagawa. Paiigtingin natin ang ating pagbabantay sa ating borders, pagpapatupad ng minimum health standards. Makakapasok pa rin sa trabaho, ba-byahe pa rin ang nasa transport sector, bukas pa rin ang mga establishment para sa essential services. Ito po lahat ay alinsunod sa itinakda sa atin na community quarantine status,” dagdag pa niya.

Ayon naman kay Mayor Cruz, nakahanda silang sumunod sa gusto ni Gob. Fernando kung hihilinging isailalim sa ECQ o MECQ ang buong lalawigan. Ganunpaman sa ngayon, aniya, ay talagang nag-higpit na sila sa Guiguinto. Ipinagbawal na niya sa ngayon ang lahat ng dine-in sa mga restaurants at puro take out na lamang at ibinalik niya ang kanya-kanyang market day ng mga barangay.

ANGAT, Bulacan–Mahigit 3,000 mga residente sa bayang ito ang tumanggap ng ayuda packs na ipinagkaloob ng Iglesia Ni Cristo (INC). 

Lubos ang pasasalamat ni Mayor Leonardo De Leon sampu ng mga kasama niyang naglilingkod mula sa pamahalaang bayan kaya’t pinangunahan niya ang pamimigay nito sa kanyang mga kababayan nitong Biyernes sa Pres. Diosdado Macapagal High School.

Umabot sa 3,600 ang kabuuan ng mga ayuda packs na naipamigay sa mga kapos-palad na residente sa 16 na barangay.

 Ayon kay Mayor De Leon, malaki ang kanyang pasasalamat sa buong kapatiran ng INC lalo na sa namamahala sa pangunguna ng  Executive Director nito na si Eduardo Manalo sapagkat palagian itong tumutulong sa Bayan ng Angat. 

Kaagapay ni Mayor De Leon sa pamimigay ang mga army reservist sa pangunguna ng tubong Angat na dating ABC ng Bayan ng DRT na si Kapitan Leobardo “Jumong” Piadozo at municipal administrator Claris R. De Leon na kanyang anak at iba pang mga opisyales ng bayan.

SIYUDAD NG MALOLOS, BULACAN, PHILIPPINES—Recovered na ang tatlong kaso ng Delta variant sa Bulacan habang ang 4 sa 23 close contacts ng mga ito na nag-positibo matapos ang Reverse Transcription-Polymerase Chain Reaction (RT-PCR) test ay kasalukuyang naka-strict household and facility quarantine.

Ayon kay Brian Alfonso, Bulacan Provincial Epidemiology Surveillance Unit (PESU) Surveillance Officer ay hindi pa malalaman sa ngayon kung infected din ng Delta variant ang 4 na nasabing close contacts na nag-positibo dahil kasusumite lamang sa Philippine Genome Center sa Quezon City ang specimen na kinuha sa kanila sa nasabing RT-PCR test. Ang Delta case sa San Ildefonso ay mayroong 9 close contacts at 1 lamang dito ang nag-positibo na siya na lamang naiwang mag-isang naka-lockdown ngayon sa loob ng family compound nito sa nasabing bayan.

Sa Delta positive naman sa Sta. Maria ay apat ang naging close contacts at isa lang din dito ang nag-positibo. Kasalukuyan itong mahigpit na naka-quarantine sa isang isolation facility ng munisipyo.

Sa Delta case sa Plaridel na pinakabagong naitala ay 2 sa 10 close contacts nito ang nag-positibo at mahigpit ding naka-household lockdown ang mga ito.

Ayon kay Alfonso, ang Delta case sa Plaridel ay nagtatrabaho sa Paranaque City na matapos mag-positive ay agad na umuwi sa kanyang bayan upang mag-quarantine. Agad itong nag-report ng kanyang kondisyon sa Plaridel municipal rural health unit, ani Alfonso.

Kasalukyang minominitor ang level of viral or infection ng 4 na nag-positibo na ito sapagkat iyon lamang umanong may mataas na infection or viral load level ang inuuna ma-laboratory test sa Philippine Genome Center dahil sa limitadong kapasidad nito habang dagsa sa ngayon ang mga specimen na sinusumite para ma-test.

 Ayon kay Dr. Hjordis Marushka Celis, Bulacan COVID-19 Task Force Vice Chair, taliwas sa napabalitang report na nananatiling positive ang Delta variant case sa San Ildefonso, ito ay recovered na rin ayon umano sa Department of Health Region 3 Office Infectious Disease Specialist (IDS).

Ang Delta Delta variant case sa San Ildefonso ay isang residenteng nagpa-medical check-up lamang sa isang ospital sa Metro Manila ilang linggo ang nakakaraan at nalaman ngang nag-positibo sa Delta variant.

Ang Delta case naman sa Sta. Maria ay isang Overseas Filipino Worker (OFW) mula sa Sta. Maria na umuwi sa bansa noong June 29 at nag-positibo sa Delta variant noong unang linggo ng Hulyo.

Ang nag-positibo naman nitong nakaraang linggo sa Delta variant sa Plaridel ay isang empleyado sa Paranaque City. Ani Alfonso, matapos itong mag-positibo ay agad umuwi sa Plaridel upang mag-self lockdown at una nitong tinungo ang municipal rural health unit upang i-report nito ang kanyang kondisyon.

Ayon sa Bulacan Provincial Public Affairs Office, mula sa 773,398 na doses ng Astrazeneca, Sinovac, Pfizer at Janssen na dumating sa lalawigan ay 485,224 na ang naibakuna sa mga residente as of July 24.

Nasa150,073 ang nabakunahan ng kumpletong two doses at 335,153 ang first dose.

Inutos naman ni Gob. Daniel Fernando ang intensified contact tracing at ang mahigpit na pagpapatupad ng Prevent-Detect-Isolate-Treat-Reintegrate (PDITR) Strategy laban sa COVID-19 partikular sa Delta variant.

Mayroong 43,897 cases ang lalawigan sa ngayon, 41,272 recoveries at 938 deaths.

BALAGTAS, Bulacan—A Chinese national was killed after he traded shots with lawmen in a buy-bust operation here on Sunday which yielded 75 kilos of suspected shabu worth P510-Million.

Police Major Neil Cruzado, Balagtas chief of police said Wu Zishen, 50, a Chinese national was killed after exchanging fires with joint National Capital Region, Regional and Provincial Philippine Drug Enforcement Agency, Philippine National Police and military personnel in rented Warehouse No. 3 in Grand SG Barangay Burol 2nd at around 5:40 pm.

However, Zishen’s cohort, alias Chen Hongli managed to escape.

The authorities seized the 75 kilos of illegal drugs placed inside Green Tea Bags.

Also seized from the suspects were two cellphones, 2 ID’s, boodle money with one genuine peso bill on top and one colt .45 calibre.

STA MARIA Bulacan, Philippines– Dead on the spot ang isang traffic enforcer matapos pagbabarilin ng hindi pa nakikilalang riding in tandem suspects sa bayang ito kahapon ng hapon.

Ayon sa imbestigasyon ng pulisya, nakaupo sa may harapan ng isang laundry shop at namamahinga lang sandali si Mario Domingo, alias “Bangis,” bandang 3:30 ng hapon ng pagbabrilin ito.

Nakamando umano ito sa trapiko at namamahinga lang sandali ng upakan ng mga suspects. Sa inisyal na imbestigasyon, tatlong putok ang tumama sa katawan ng biktima kaya’t dead on the spot ito.

Agad namang sumibad palayo ang mga suspects lulan ng isang kulay itim na 125 TMX motorsiklo na walang plaka.

Ayon kay Col. Esmael Conde Gauna, hepe ng pulis ng Sta. Maria, sinampahan nila si Domingo ng kasong homicide noong July 4 nang illegal na pinosasan nito ang isang vendor na agad-agad na inatake sa puso at namatay.

Kalalabas lang umano ni Domingo mula sa kulungan noong July 13 na nakakalipas at bumalik muli sa kanyang duty bilang traffic enforcer sa Barangay Caypombo nang ito ay paslangin.

Base sa initial report ng pulisya, kalibre .45 na baril ang ginamit ng suspects dahil sa mga naiwang basyo ng bala at tingga nito. Kasalukuyan pang inaalam ng pulisya ang motibo sa pagpatay.

CITY OF MALOLOS–Gov. Daniel Fernando renewed his stricter call to all residents to highly observe minimum health protocols to maintain the notable low 172 active COVID-19 cases in the province as a number of places in the country now brace for Delta variant recorded in Metro Manila, Cavite and Ilocos province. 

Fernando ordered all mayors to enforce a more active works and monitoring of compliance to social distancing, face mask and face shield wearing, constant washing of hands and using of alcohol despite the lighter restriction General Community Quarantine status of the province while the country braces for Delta variant. 

Fernando said the provincial government is really spending huge on COVID-19 deaths which now totalled to 908 as the burial assistance cost of the provincial government rose to more than P27-Million from P30,000 given to each family of COVID-19 deaths.

On Friday, Pulilan town, the only local government unit in Bulacan which procured vaccines worth P20-Million for its 80,000 target herd immunity population have started inoculating residents of its first arrival of 3,000 doses. 

Mayor Maria Rosario Ochoa-Montejo personally led the vaccination of the first dose of Astrazeneca vaccines to 3,000 senior citizens, co-morbidities,  including essential workers at SM Pulilan Mega Vaccination site. 

Montejo signed the tripartite agreement for the procurement January this year. However, only 3,000 of the 80,000 purchased doses has arrived so far.

Ochoa told NEWS CORE that they expect the next batches of arrival by August and for the remaining more than 50,000 before the end of the year. 

The town has earlier already vaccinated 21,400 residents through what the Department of Health provides to the region and provincial government. 

It still has more than 55,600 needed to be vaccinated to meet the 80,000 herd immunity requirement. Pulilan has around 109,000 population. 

With the total 24,400 vaccinated as of this time, Pulilan has already achieved about 31% from its target 80,000 herd immunity population.

Bulacan journos and their immediate families have also benefitted from the said 3,000 doses.

SIYUDAD NG MALOLOS–Dahil sa halos isang linggong mga pag-ulan at pagbaha dala ng habagat na pinalakas ng bagyong Fabian ay idineklarang walang pasok ang Capitolyo ngayong araw, ayon kay Gob. Daniel Fernando. 

Samantala, ang Provincial Disaster Risk Reduction Management Office at iba pang service offices kung may kalamidad ay mananatiling bukas para sa operasyon nito. 

Gayundin, ipinag-utos ni City of Malolos Mayor Gilbert Gatchalian na walang pasok sa lahat ng tanggapan ng city government at maging ang klase sa lahat ng antas sa pampubliko at pribadong eskuwelahan. Wala ring pasok sa munisipyo ng Guiguinto ayon sa deklarasyon ni Mayor Mayor Ambrosio C. Cruz Jr.

Nagsuspinde rin ng pasok sa lahat ng opisina ng Bulacan State University sa main campus sa Siyudad ng Malolos at sa lahat ng Satellite Campus nito.

Binaha ang mahigit kalahati ng lalawigan at naglikas ng may 2,000 residente at nakapagtala rin ng halos P40-Milyon halaga ng nasirang pananim, pangisda at imprastraktura bunsod ng mga pag-ulan.