MANILA–Umabot na sa halos 2 milyong piraso ng nutribun at pandesal breads ang naipamigay na ng San Miguel Corporation (SMC) sa Metro Manila at mga kalapit na lalawigan tulad ng Bulacan habang mahigit sa 200,000 na pamilya mula sa urban poor na lugar sa Maynila ang patuloy na nakakatanggap ng food aid mula sa kumpanya.

Bagamat ang pokus ng kumpanya nitong nakaraang mga buwan ay sa pagpapabakuna ng mga empleyado nito laban sa COVID-19, patuloy pa rin ang pagtulong nito sa mga mahihirap na naapektuhan ng pandemya, ayon kay SMC president Ramon S. Ang.

“While vaccinating our employees and deploying medical personnel to various public vaccination sites became our focus these past couple of months, we never left our disadvantaged countrymen who are still struggling to cope with the pandemic. Many of our employees continue to devote their time and effort to make sure San Miguel can at least help the poorest of the poor avoid hunger on a daily basis,” wika ni Ang.

Magmula Marso 2020 hanggang sa kasalukuyan ay nag-distribute na ang San Miguel Mills ng 1,895,826 na piraso ng nutribun at pandesal sa iba’t ibang lugar. Kasama na dito ang kabuuang bilang na 8,000 na nutribun na pinapadala kada linggo sa Malolos, Tondo, Payatas, at Caloocan City sa pamapagitan ng Petron stations sa mga lugar na ito.

Sa pamamagitan ng SMC Better World Tondo ay nagbigay na ang kumpanya ng kabuuang 168,180 meals 74,099 grocery packages sa 211, 253 na pamilya, simula noong September 2019.

Ang nutribun ng San Miguel ay mataas sa dietary fiber at puno rin ng iron at iodine. Ang mga tinapay ay niluluto sa pasilidad ng SMC sa Sta. Rosa, Laguna at Pasig City.

“With the help of local government units, the Diocese of Malolos, Gawad Kalinga, and Philippine Business for Social Progress (PBSP), and other partners, we’ve managed to distribute breads where they are most needed, to ensure that the poorest of our countrymen don’t go hungry during these difficult times,” wika ni Ang

“We thank our partners for continuing to support us in our various pandemic response activities. It is important that we work together and help each other, continue to observe health protocols, and get vaccinated when our turn comes to win over this pandemic,” dagdag nya.

Ni: Cloei Garcia

PANDI, Bulacan–Personal na ipinamahagi ni Mayor Enrico A. Roque ang first tranche ng P5,000 worth cash assistance sa ilalim ng Educational Assistance and Reward Program para sa 2,000 scholars na Pandieños.

Aabot sa P10 milyon ang total na halaga ng scholarship fund na tig P2,500 sa dalawang tranches para sa isang taon sa 2,000 mga scholars.

Katuwang ni Roque sa pamamahagi sa kabataang Pandienos ang Team Puso at Talino na sina Konsehal Jonjon Roxas, Konsehal Kat Marquez, Danny Del Rosario, Monette Jimenez, Konsehal Ronald Sta.Ana, Kon. Potpot Santos, Kon. Wilma Parulan, at si Vice Mayor Luisa Sebastian.

Labis ang tuwa ng mga scholars o kung tawagin ay iskolar ng bayan at pati na rin ang kanilang mga magulang na sa kabila ng pandemyang nararanasan ay patuloy ang Team Puso at Talino sa pamumuno ni Mayor Roque na nagbibigay tulong pinansyal para sa kanilang edukasyon.

“Sa mga magulang at iskolar, sana po kung papaano namin patuloy na ipinaglalaban na magkaroon kayo ng mumunting ayuda buhat sa lokal na pamahalaan ay ganun din n’yo pagsumikapan ang inyong pag-aaral. Patuloy po kaming magiging kaagapay ng bawat isang magulang at mag-aaral sa pagtupad ng inyong mga pangarap,” ani Roque.

Sa ating mga iskolar, patuloy kayong magsumikap at maging masigasig sa pag-abot sa inyong mga pangarap para sa sarili ninyo at lalo’t higit sa pamilya ninyo.

Asahan ninyong kasama at kaagapay ninyo ako at ang buong Team Puso at Talino patungo sa inyong mga pangarap at mithiin.

Ni Rolly Alvarez

LUNGSOD NG MALOLOS—Nakiisa ang pamahalaang panlalawigan ng Bulacan sa pagsasagawa ng community immunization program ng Department of Health para labanan ang MR-TD o Measles (Tigdas), Rubella, Tetanus, Diphtheria (MR-TD) na sinimulan noong Oktubre 19.

Sa kanyang mensahe, hinikayat ni Gob. Daniel Fernando ang mga magulang na hayaang mabakunahan ang kanilang mga anak lalo na ngayong humaharap ang lahat sa banta ng COVID 19. Aniya, posible umanong magkaroon ng outbreak ng naturang mga sakit sa lalawigan kung hindi sila mababakunahan.

“Ayon po sa mga pag-aaral ng mga epidemiologist, sa darating na taong 2022 o 2023 ay posibleng magkakaroon ng measles outbreak sa ating bansa dahil nangyayari ito tuwing tatlong taon; ang huling measles outbreak po ng bansa ay taong 2019. Mga kababayan ko, huwag po nating hayaan na mangyari ito na magkarooon ng panibagong outbreak sa ating lalawigan. Hinihikayat ko po ang mga tagapag-alaga at mga magulang na pabakunahan po ninyo ang inyong mga anak,” ani Fernando.

Layunin ng programang ito  na palawakin ang saklaw ng vaccination sa mga target na populasyon, pagpapatupad ng libre, ligtas at mabisang bakuna para sa mga bata mula 6-7 at 12-13 taong gulang upang maiwasan ang paglaganap ng sakit na may kinalaman sa MR-TD at ang pakikiisa ng mga lokal na pamahalaan sa lalawigan sa pagtulong at pagsasagawa ng pagbabakuna sa bawat komunidad. Upang magabayan ang lokalidad, naglabas ng Memorandum No. 2021-0383 ang Department of Health o ang ‘Guidelines in the Conduct of 2021 Community-Based Rubella—Tetanus Diphtheria Immunization during COVID-19 Pandemic’ upang masiguro na  ang mga pamahalang lokal at mga health worker ay makapagpatupad nang maayos na immunization services kasabay ng kasalukuyang pagbabakuna para sa COVID-19.

Ni: Christian Paul S. Tayag

CAMP GEN ALEJO, SANTOS, Bulacan — Mahigit P500,,000 halaga ng shabu at marijuana ang nasamsam ng pulisya mula sa limang mga suspek sa iligal na droga sa sabay na buy-bust operation sa iaba’t ibang bayan nitong Martes.

Ayon kay Bulacan PNP Provincial Director PCOL Manuel M. Lukban Jr, 55 gramo ng shabu na nagkakahalagang P374,000 and nasamsam mula kay Gregor Maclam at P136,000 halagang shabu naman mula kay Wilson Laureta mula Caloocan City sa isang buy-bust operation sa Barangay Graceville City of San Jose del Monte.

Sa Barangay Sabang, Baliwag, nasamsam kina Jeffrey Salinas at Cesar Reyes ang 2.33 gramo ng shabu na nagkakahalaga ng P15,844 at isang sealed brick ng marijuana na nagkakahalaga ng P20,000 habang 12 heat-sealed plastic sachet naman ng shabu na nagkakahalaga ng P12,000 ang nasamsam ng mga pulis kay Christopher Lazaro na mula sa Barangay Lumand Bayan sa Plaridel Bulacan.

Labindalawa pang iba ang naaresto sa magkatulad na operasyon ng buy-bust sa ibang mga bayan. Narekober din ng pulisya ang mga baril, motorsiklo at mga parapernalyas kasasama ang buy-bust money.

Ni: Mochie Lane M. Dela Cruz

LUNGSOD NG SAN JOSE DEL MONTE – Nasa 100 traffic enforces ang tumanggap ng mga kapote at pagkain sa ilalim ng proyekto ng SM Supermalls na “100 Days of Caring and Giving” tungo sa Pasko.

Ang Inisyatibang hakbang na ito mula sa SM City San Jose del Monte ay bahagi lamang ng adbokasiya ng SM Supermalls na ibalik ang higit sa 10,000 target na beneficiaries tulad ng mga frontline workers, delivery rider, mga displaced tricycle at jeepney drivers, magsasaka, mangingisda, at maging ang mga katutubo .

Sa kanyang maikling mensahe habang namamahagi ng regalo, nagpasalamat si Assistant Mall Manager Maria Angeli Luna sa lahat ng mga traffic enforcer, partikular ang mga nakatalaga sa Quirino Highway kung saan matatagpuan ang SM City San Jose del Monte. “We thank you for always helping us and our customers,” sambit nito. “We hope these raincoats can somehow help you especially during rainy days,” dagdag pa niya.

Bago ang SM City San Jose del Monte, iba pang mga SM malls sa Quirino Highway – SM City Fairview at SM City Novaliches, at iba pang SM Malls sa Bulacan – namahagi rin ang SM City Marilao, SM City Baliwag, at SM Center Pulilan ng mga care package at pares ng sapatos sa iba’t ibang mga pangkat ng pampublikong transportasyon at mga delivery riders.

Ni Shane F. Velasco

SAN ILDEFONSO, Bulacan (PIA) – Sabay na binuksan sa San Ildefonso ang magkatabi nang mga tanggapan ng Negosyo Center ng Department of Trade and Industry (DTI) at Business One Stop Shop (BOSS) ng pamahalaang bayan.

Matatagpuan ito sa ikalawang palapag ng San Ildefonso Commercial Complex (SICC) kung saan mayroon itong malaki at maaliwalas na espasyo. Ang SICC ay ipinatayo, pinapatakbo at pag-aari ng Pamahalaang Bayan ng San Ildefonso upang mapagkunan ng karagdagang pondo bukod sa nakokolektang buwis at Internal Revenue Allotment (IRA).

Ayon kay DTI-Bulacan Provincial Director Edna Dizon, napapanahon ang pagbubukas nitong Negosyo Center sa San Ildefonso, na pang-22 sa Bulacan, ngayong bagong lipat ang B.O.S.S. ng pamahalaang bayan.

Naaayon aniya ito sa mga repormang pang-ekonomiya ni Pangulong Rodrigo Roa Duterte sa bisa ng Republic Act 11032 o ang Ease of Doing Business and Efficient Government Service Delivery Act. Naglalayon ito na mas pabilisin ang lahat ng mga sistema sa pamahalaan partikular na ang may kaugnayan sa hanapbuhay.

Sinabi ni Mayor Carla Galvez-Tan na target ng pamahalaang bayan na lalo pang mapabilis ang mga proseso sa pagkuha ng bago o renewal ng mga business permits sa pagbubukas nitong B.O.S.S. Sa ngayon, nasa isa hanggang dalawang araw ang proseso sa  bagong business permit at isang araw kung renewal.

Sa pagbubukas ng Negosyo Center kasabay ng B.O.S.S., kung saan kumukuha naman ng mga business names sa DTI, tinatarget na mapabilis pa sa isang araw ang naturang mga proseso.

Uubra ring dito gawin ang mga serbisyong may kinalaman sa business advisory gaya ng mga nais makahiram sa Small Business (SB) Corporation ng DTI ng karagdagang puhunan, kasanayan para mapalawak ang merkado at maitaas ang antas ng kalidad ng isang produkto.

Kaugnay nito, binigyang diin ni Mayor Tan na ang pagkakatabi ng Negosyo Center at ng bagong B.O.S.S ay pakikinabangan agad ng mga bagong micro, small and medium enterprises sa San Ildefonso.

Pangunahin dito ang 25 na indibidwal na pinagkalooban ng E-Bikes upang magkaroon ng hanapbuhay sa paglalako. Pinondohan ito ng halagang P5 milyon mula sa Local Government Support Fund (LGSF) ng Department of Budget and Management (DBM).

Iba pa rito ang halagang P3 milyon mula sa tanggapan ni Senador Christopher Lawrence ‘Bong’ Go na inilaan sa 50 benepisyaryo upang makapagbukas ng mga Sari-Sari Store na may kasamang Bigasan. May pasunod pa itong P2 libong karagdagang puhunan mula sa pamahalaang bayan.

Samantala, inaasahan din ang pagdaragdag ng bilang ng mga MSMEs na gagawa ng mga produkto sa ilalim ng One Town, One Product (OTOP) Next Generation Program ngayong nagsimula na ang pagtatayo ng Pasalubong Center sa San Ildefonso. (SFV/PIA-3/BULACAN)

Ni Shane F. Velasco

SAN RAFAEL, Bulacan (PIA) – Umabot na sa bahagi ng San Rafael ang konstruksiyon ng bagong dalawang linya na southbound lanes ng Plaridel Bypass Road.

Ayon kay Department of Public Works and Highways (DPWH)-Central Luzon Regional Director Rosseler Tolentino, target matapos sa Enero 2023 ang unang pitong kilometro mula sa San Rafael hanggang sa Bustos na ngayo’y nasa 47.8% na ang nagagawa.

Nauna nang natapos ang 1.2 kilometrong second viaduct na tumatawid sa Angat River na nasa hangganan ng San Rafael at Bustos. Bahagi ang second viaduct na bumabaybay sa magiging bagong southbound lanes nitong Plaridel Bypass. Tapos na rin ang bagong dalawang linya sa bahagi ng Bustos na idudugtong sa ginagawang Bustos Flyover.

Layunin ng proyekto na makapagpadaan nang mas marami pang mga sasakyan sa kabuuan ng 24.61 kilometrong Plaridel Bypass Road.

Kapag natapos ang bagong southbound lanes, o ang partikular na dalawang linya mula sa San Rafael hanggang sa Balagtas Exit ng North Luzon Expressway (NLEX), ang kasalukuyang salubungan na Plaridel Bypass Road ay magiging northbound lanes na.

Ibig sabihin, magkakaroon ng partikular na dalawang linya mula sa Balagtas Exit ng NLEX papuntang San Rafael. Tinatayang makukumpleto ang proyekto sa susunod na dalawang taon. Nagsisilbing bagong alternatibong daan ito ng mga motorista mula sa NLEX na patungo sa hilagang-silangang bahagi ng Bulacan at maging sa Nueva Ecija.

Pinondohan ito ng P4.3 bilyong Official Development Assistance (ODA) ng Japan International Cooperation Agency (JICA). Resulta ito ng ikalawang official visit sa Japan ni Pangulong Rodrigo Roa Duterte noong Oktubre 2017 bilang suporta sa Build-Build-Build Infrastructure Program. (SFV/PIA-3/BULACAN)

Ni: Cloei Garcia

MANILA—Pinuna ni Senator Joel Villanueva, chairman ng Senate labor committee ang tila magkasalungat na numero ng Department of Health’s (DOH) sa hiring system nito na humihingi ng P3.8 bilyong pondo upang kumuha ng mga karagdagang tauhan sa ilalim ng emergency hiring program, habang nananatili pa rin na may higit 14,000 unfilled positions sa departamento.

Hiningi niya sa mga representatives ng DOH  sa budget hearing nito, na magbigay ng isang update sa  rekomendasyon na ginawa niya sa pamamagitan ng Senate Blue Ribbon committee para sa mga kontrata ng mga frontline healthcare workers upang mapahaba ng kahit isang taon.

Tinanong niya ang DOH kung mayroong anumang pagsisikap, sa koordinasyon ng Civil Service Commission (CSC), na kumuha ng mga regular na manggagawa sa halip na kontraktwal.

“We cannot determine if we are nearing the end of the pandemic,”sabi ni Villanueva sa pagdinig.

Aniya, mahalaga para sa DOH na magkaroon ng isang sistema na makakatugon sa mga pangangailangan ng pandemic response sa bansa.

Kung ang mga kontraktwal na empleyado ay tinanggap muli, sinabi ni Villanueva na dapat din silang maging qualified upang makatanggap ng mga special risk allowance (SRA), hazard duty pay at iba pang mga allowance na ibinibigay sa mga healthcare workers na may regular na panunungkulan.

Humingi din siya sa DOH na magbigay ng isang update, tungkol sa SRA at iba pang mga allowance dahil may mga healthcare workers na nabigyan na.

Sinabi ni Villanueva sa huling pagdinig tungkol sa budget ng DOH, na ang departamento ay may request na pondo na magmumula sa Department of Budget and Management (DBM) para sa SRA ng hindi bababa sa 85,000 na mga healthcare workers.

Sinabi niya na ang paglabas ng SRA at iba pang mga benepisyo para sa mga frontliners laban sa COVID ay dapat na pare-pareho para sa lahat ng mga health workers.

“There will be a lot of factors that will determine the risks involved in a risk-based classification of grant of COVID-19 benefits,” Villanueva said. “It would be difficult to ascertain this because this may vary depending on whether a surge may occur in a particular area,”sabi ni Villanueva.